彙整

Posts Tagged ‘TK01’

復工第一天

六月 19, 2007 3 留言
早幾天 , 因傷患關係 , 一直未能提起精神制作 , 昨晚終於走左去做全身堆拿 , 雙手終於回復八成握力 , 可以工作 , 今天便再為 TK01 減磅 , 今天大概是減去了 20g 左右 , 明晚繼續 ,
由早幾星期開始已經諗緊 , 如果 TK01 減磅後仍未能走動 ,
1. 是否只有加上 " 避震 " 呢?
2. 如不加上 " 避震 " , 是否要用上碳纖維板呢 ?
3. 如不用以上兩個方案解決 , 會否有第三方案呢 ?
根句以上問題 , 諗左小小野 ,
1. " 避震 " 用過啦 , 但並唔係最好的解決方案 , 因為呢樣零件係無得 control 的 , 換另一個角度睇 , 即是有機會 " out of control " , 係唔可行的 ,
2. 碳纖維板 , 係質量輕 , 但係加工困難 , 碳纖布及碳纖紙亦都好貴 , 如果想盡快
另 TK01 行得可以用 , 但無挑戰性 , 唔想用 .
3. 第三解決方案 ?
用風批的時侯 , 發覺風力可以比電更大力 , 而且市面上亦有一些小型 " 氣唧 " , 而且 " 氣唧 " 的設計大概同 " 油壓 " 相似 , 理論上用 " 氣唧 " 會比用普通 " 避震 " 優勝 , 只要能夠控制每個 " 氣唧 " 的存氣及放氣情況 , 便能在 servo 沒有足夠扭力的時侯 , 加以附助 ,
但新的問題又出現啦 , 到底
1. 氣的流動率 , 應如何計算呢 ? 好似是以 MPA 為單位的 ,
2. 氣由氣泵所產生 , 但市面上一般 DC 氣泵 ( 養魚用品 ) 都是行 " 膠拍 “的 , 跟本不足以用在機體上 ,
3. 在網上找過有 55mm 的旋轉氣缸 , 大概我要找的動力來源是找對了 , 但這旋轉氣缸有沒有存氣功能呢 ? 如沒有 ,
4. 可不可自制一個存氣氣缸呢 ?
5. 這旋轉氣缸能否有足夠流量供給 " 氣唧 " 呢?
等等問題 ….
但現在能做的只有 …. 減磅

以下是 " 氣唧 " 的相片及影片 , 現在只以針筒推動 " 氣唧 "

 
廣告

吊高來整

六月 1, 2007 5 留言
   
在制作機體過程中 , 其實測試平衡及調教 Servo 角度都頗難的 , 於是今次決定試下吊高來整 , 睇下會唔會好 D 啦 , 

另外一個小遊戲 , 在相片一裏 , 連同 TK01 在內 , 到底有多小個機械人呢 ?

機友聚會

五月 30, 2007 發表留言
 
由香港機械人討論區 http://hkrobotsforum.myftp.org 所舉辨的機械人聚會 , 不經不覺已經參與了大慨第四次了 , 今次更得到好友光仔相助借出廠房地方舉辨聚會 , 及得到 R 的邀請由小弟講解制作板金的小小心得 , 在此說聲 Thank you . 

另外由 Pacess 所講解的機械制作心路歷程 , 發覺外表斯文的他 , 原來是很風趣的 , 在此見意 Pacess 可將有用資料及心路歷程記錄及第日可以出版一本叫 " Pacess 機械人研究集 " , 咁香港的機械發展就有希望了 .

而 TK01 原來對比起其他機體真係巨大咁多 , 未來的 2 號機及 3 號機 , 真係要留意小型化的問題了 , 未來會暫時停止減磅兩星期 , 會用這兩星期測試 Resolution 提高了的 Servo Controller 先 .

 

只減了上半身的重量

五月 24, 2007 發表留言

在二十天的減磅過程裏 , TK01 身體重量由原本 3.304kg , 減至 3.079kg , 減去了 225g ,
但在分散計算的時候 , 是應該已減去最小 300g 的, 咁唔通我計錯咁普通的加減數 ?
定係個磅唔準 ? 咁果七十幾克去咗邊呢 ? 嘩 … 好邪呀 ….

身體健康

三月 12, 2007 2 留言
  在上星期初,其實已為進行身體建造工程,做了一連串的預備工作,首先是將 TowerPro 及 BlueBird Servo 全部換線加長,另到由 Servo Controller 到 Servo 全程一條線,不用加插口,另出錯斷線或接觸不良機會減低,及用熱縮通 Mark 好晒 D Servo,插錯 Servo 位?No ….
  做完一連串預備後,對住一塊塊的鋁板,開始感覺到暈暈地,到低由邊塊開始做起好呢?幸而呢個問題只在我腦內停留了兩分鐘,因為其實基本上塊塊都要加工,便求其拎起一塊 …. 開始。

不停地鑽,不停地 Mark 位,不停地摺,到今日終於可以連起對腳同個身的外殼了 …. 相信下星期初,全個身可以做好了。

 

新的身體設計

三月 6, 2007 發表留言

新的身體設計已預留空間安裝主板及制面 , 而且亦定了鋰電及 232 program 的接口了 ,

只要完成以上工作 , 做出身體 , 好快可以行了 ,

解體後又重組

三月 5, 2007 發表留言
幾經一番手續 , 終於把腳部全換上 tower Pro 的 Servo 了 ,
連換 Servo 的電線 , 加上要做埋第二個鋰電箱及重新設計身體 ,
足足搞了兩晚 , 過多兩日 , 應該可以開始做身了 ,
%d 位部落客按了讚: