彙整

Posts Tagged ‘開心的日本鐵道之旅’

開心的日本鐵道之旅 06

一月 10, 2008 發表留言
終於接近旅程的尾聲 , 1月3日基本上全日時間都比晒老婆大人 , 一早起身已去在築地漁市場 , 但因為新年假未開市 , 只好在築地魚市場食站食海鮮飯 ,
及去左食壽司 , 都好好食 , 跟住就陪老婆大人朝聖 , 去左滴滴尼買野 , 然後又去左汐留麵包超人店買野 , 好彩汐留有個哈爾大鐘影下相 ,
跟住又新宿、涉谷、原宿等等 … 總之係超忙 Shopping Day 啦 , 但我最記得就係午餐食左豚肉及蝦天婦羅 , 晚餐食左個日式撈麵。

1月4日要離開之前 , 當然唔會放過最後行街街機會啦 , 最重要係响池袋
JR北口附近塭到間新鮮生果店 , 等緊老闆 Pack 生果時 , 仲請我地食和果子同飲咖啡 , 咁就離開日本了。


築地漁市場的站食海鮮飯
哈爾大鐘

哈爾大鐘內的人物 ( 上 )

哈爾大鐘腳部 ( 左 )

炸蝦天婦羅 豚肉天婦羅
地鐵上的廣告 ,
如果未結婚的朋友可試下 , 上面寫 " 無料 " 架 , 即是免費呀。
日式撈麵

BloodKeith
的戰利品 : 有 Lego , Robot One 12th DVD , Air Pump , PSD Sensor , Servo Horn ,
R-Blue T-shirt ,

P.S. R & Victor 幾時比 T-shirt 你地好 ? Victor 幫我試粒
PSD Sensor 得唔得?

老婆大人的戰利品
, T 字瓜都係 2000 Yen 咋 , 好甜架

廣告

開心的日本鐵道之旅 05

一月 9, 2008 2 留言
08年 1月 1日離開青森 , 乘新幹線走回盛岡 , 走進盛岡的公園 , 欣賞一下盛岡雪後的景色 , 影下相行行下 , 已經半日了 , 今次午餐食左麥當奴 , 你無睇錯 , 真係麥當奴 , 唔好以為有冇搞錯 , 山長水遠去到日本食麥當奴 , 日本麥當奴有一種包係香港無的 , 呢個就係蝦漢堡了 , 咬落去煆肉爽口新鮮 , 爽到 ~~~ 好味呀呀 ~~~ , 有機會不防試下 , 再遊多一陣 , 又食晚飯 , 今次都無乜選錯 , 就係走左去食一口蕎麥麵啦 , 即是好似玩勁食大賽果 d , 不停食 , 不停食 , 食到你叫停為止 , 我就食左 X 碗 ,
盛岡公園雪景
兩個雪地上的人影 哈哈哈 ~~~~ 蝦漢堡
雪山遠景 我食左 54 碗一口蕎麥麵 , 都仲未飽
係盛岡過左一晚後 , 1月2日乘 Hayate 號返落東京啦 , 放好晒行李後 , 急急出去行街街 , 由於重係新年關係 , 市面上重有好多福袋 , 行人仲好多 , 走入百貨公司的玩具部 , 發覺有 Lego 福袋 , 夠份量之餘而且只係 5000 Yen , 咁就即時失守了 , 行到咁上下 , 差不多時間去秋葉原的 Robot 王國了 , 到達秋葉原 , 好難先找到本店 , 但入裹面一睇全部電腦野 , Robot 都唔見一隻 , 好彩老婆大人見到門口有張地圖 , 原來王國唔係本店 , 根據地圖好快就入左王國了 , 咁 D $$ 又飛走 d 了。
Hayata 號 原來 Plen 的 Size 唔太細的 , 及 RB2000
帶得走就好啦
第日整隻玩下先 PF01 及 i-sobot

開心的日本鐵道之旅 04

一月 8, 2008 發表留言
係青森除左要食青森蘋果外 , 最主要另外一個目的 , 就係要坐暖爐火車啦 , 12月31號一起身就立刻起行 , 由青森坐 Tsugaru 去弘前 ,
再轉五能線去五所川原 , 而五能線有一個特色就係火車線有三種型號火車 , 分別有青池號 , くまげら號及橅號 , 我就去五所川原時坐くまげら號 ,
返的時候坐青池。

到達五所川原 , 就係暖爐火車的出發點啦 ,
跟住走過去隔離津輕鐵路線買飛 , 記住暖爐火車一日得四班車咋 , 叫酒店幫手 check 左時間先去呀 , 跟住買飛 , 個站務大叔係都 ee ~~
oo ~~~ 都唔知講乜 , 好彩有個好 in 的日本哥仔過來幫手 , 又做動作先買到飛 , 依家諗起個哥仔 d 動作仲笑緊好得意 ,
而買飛的窗則邊有一本筆記薄 , 係比你寫低對暖爐火車的感想的 , 另外暖爐火車又叫尤魚火車 , 因為可以係暖爐上面燒尤魚的 ,
但記住係火車站買定尤魚先好上車呀 , 火車上面無得買架 ,

青森站內的大蘋果 失落的單車 津輕鐵路正門 火車內的暖爐
婆婆請我們食尤魚 在暖爐上燒尤魚 車卡服務員加炭 暖爐的煙通
暖爐火車的車頭 五所川原站的白神 くまげら號 青池號
暖爐火車的車票
坐完暖爐火車 , 走番弘前 , 去到弘前城 ,
雖然係下午 4:30 左右 , 但係個天已經黑得七七八八了 , 行左一陣弘前城 , 好靚 , 再番青森 , 因為係 12月31日係日本除夕 ,
所以舖頭好早收舖 , 晚飯就走入去一間叫 CoCo 一番屋道食咖哩 , 呢道 d 咖哩好好味 , 雖然好棘 , 但棘得夠味 , 正呀 ~~~~
弘前街道 弘前城
Tsugaru CoCo 一番屋咖哩
布甸甜品 咖啡果凍

開心的日本鐵道之旅 03

一月 7, 2008 發表留言
去完銀山莊温泉浴之後 , 便回到山形取回行李 , 由大石田走回頭路 , 再由山形轉到新庄 , 而乘座的新幹線都是 Tsubasa 翼 , 再由新庄轉乘普通的 JR 到大曲 , 由大曲再轉乘新幹線到秋田 , 而大曲到秋田一段已線是轉入了秋田新幹線了 , 而火車名叫 Komachi , Komachi 及 Tusbasa 都是 E3 型號的新幹線。

到達秋田一心諗住會好容易見到秋田犬 , 但唔知點解真係狗影都唔見一條 , 但係反而秋田犬的周邊產品真係好多 , 而且秋田盛產米 , 所以食左一樣秋田名小食 – 味噌棒棒飯 , 感覺 OK 啦 , 對味噌無乜抗拒的朋友可以一試 , 另外亦食左稻庭烏冬 , 勁正 ~~~ 好好味 , 好滑 , 同香港的包裝烏冬比?我願意以後唔食包裝烏冬 , 都要食多次真正的稻庭烏冬 ,



呢個就係味噌捧捧飯啦 周邊產品咪包括坑洰蓋攞


稻庭烏冬天婦羅 火煱稻庭烏冬
在秋田走的時候 , 已經是 30 號 , 話咁快已過左 4 日新幹線之旅 , 由秋田乘坐 Komachi 號到盛岡 , 再由盛岡乘座 Hayate 號東北新幹線到八戶 , 到達八戶首先走到八食中心食個午飯先 , 點解要到八食中心?因為其實呢道係一個海鮮市場 , d 海鮮又靚又新鮮 , 呢度係要自己去買海鮮再到舖內食的 , 情況就好似西貢一樣 , 但係無論地方及食物質素當然比西貢好好多啦。食完午飯又再繼續旅程了 , 走回八戶 JR 站再乘東北本線繼續前往青森 , 到達青森已經是下午 4:30 左右了 , 在附近行下街 , 走到了青森的物產館 , 睇下青森的 Netuba 燈籠 , 最後當然要食下青森蘋果啦。


同 Komachi 影張相先 八食中心的海鮮午餐


Netuba 燈籠在青森的物產館 青森產新鮮蘋果 , 唔知呢個係咪雪中蘋果呢 , 左面是蘋果汁

開心的日本鐵道之旅 02

一月 6, 2008 發表留言
 
從藏王雪山回到山形 , 吃過午飯後便立刻轉乘新幹線到大石田 , 再轉乘銀山莊温泉旅館的接送巴士到達旅館 , 而在午飯吃到的米沢牛燒肉是今個旅行最難忘的食物 , 如果香港有得買一定會再食一次 , 但這類和牛只會在日本本土先有機會食到 , 其鮮嫩多汁真係回味無窮 , 而入住的温泉旅館真係另人享受 , 你可以想像一下當你光脫脫走去户外浸温泉的時候 , 在你的眼前是白濛濛一片的雪景 , 本應會是很冰冷的身體浸在温泉風呂內 , 身體感受到的是温暖 , 眼晴看到的是冰冷 , 感覺真係好特別 , 而且温泉街是由多家温泉旅館建立組成 , 每間旅館都各有特色 , 走在温泉街 , 你會見到有幾個小水池 , 而這些水池是給路人浸腳用的 , 是免費的 , 咁當然要試下啦 , 免費呀麻。
藏王雪山前

新幹線 , 留意車頭前的蓋位是有實制作用的 , 山形新幹線及東北新幹線是可以合體的 , 由東京到福島兩列車卡是合體行走的 , 在到達福島時 , 兩列車卡會分體 , 分別走到新庄及八戶 ,

附帶一題 , 這新幹線的名字叫 Tsubasa 翼 , 主要是在山形線服務 , 詳細資料如下 :

 
一般建造年份 1990 – 1992
1995 (Type 429 中間卡)
製造商 Kawasaki Heavy Industries
建造材料
列車編成(M,動力車 T,非動力車) 6M1T
使用電壓及周波數 20/25kV 50Hz AC
驅動馬達 (DC) MT203 (每7卡24個)
每馬達輸出 210kW
總輸出 (7卡編成) 5.04MW
服務極速 240km/h (在非新幹線區域130km/h)
車卡長度 23,075mm (頭尾卡)
20,500mm (中間卡)
車卡闊度 2,947mm
車卡高度 (不計電弓) 3,970mm
兩軸與兩軸間距離 14,150mm
車重 (空車) 39.6 – 49.0t
坐位編排 普通 (非指定席): 910mm (2+2)
普通 (指定席): 980mm (2+2)
頭等: 1,160mm (2+1)
台車型號 DT204
兩軸間距離 2,250mm
車輪直徑 860mm
最大每車軸負重 13.0t
電弓 PS204 叉臂式電弓 (每7卡2個)
豚肉三文治 , 好味道 銀山莊的早餐 , 下次再去食先得
街邊的免費足浴 温泉街
温泉街 米沢牛 , 勁好味 , 肉汁多 , 正呀 ~~~~

開心的日本鐵道之旅 01

一月 5, 2008 2 留言
map01_resizeticket_resize
行程

26-Dec-07 香港到日本 , 成田機場乘 Narita Express 到東京 , 東京乘 JR 新幹線到山形 , 在山形住一晚酒店。

27-Dec-07 山形乘巴士到藏王雪山觀看樹冰 , 後回到山形乘新幹線到大石田 , 轉乘巴士到銀山温泉街入住温泉旅館。

28-Dec-07 回到山形取回行李 , 乘新幹線到新庄 , 再轉乘普通 JR 到大曲 , 由大曲轉新幹線到秋田入住酒店。

29-Dec-07 秋田乘新幹線到角館 , 角館乘新幹線回到秋田。

30-Dec-07 秋田乘新幹線到盛岡 , 再乘新幹線到八戶 , 再由八戶乘普通 JR 到青森。

31-Dec-07 青森到弘前 ,  弘前回到青森。 青森到五所川原乘尤魚火車再回到青森。

1-Jan-08 青森乘新幹線到盛岡。

2-Jan-08  盛岡乘新幹線到東京往兩天。

4-Jan-08 由成田機場回到香港。

到達藏王雪山 , 第一次踏上雪地上面 , 而且 d 雪仲要好軟綿綿 , 真係即時想食一啖天然雪到底係乜味道 , 望往個雪山 , 投入大自然的懷抱 , 即時忘記所有煩腦 , 不過仲記得影底自己的足跡。

SANY0018_resize

SANY0018_resize
SANY0019_resize
SANY0034_resize
SANY0034_resize
%d 位部落客按了讚: