齊集物料

今日襯有時間分別出左鴨仔 , 新田地 , 及潮流特區買齊一隻機械腳的零件 , 分別有 1mm 及 2mm 呂板 , 老虎鉗 , M1.6/M3/M4/M5 鑼絲 , M1.6/M3/M4/M5 開牙器 , S3003 Servo , 避震 , 

首先去到深水埗諗住睇下 D 外置鑽台 , 點知睇唔啱唔買住 , 再去睇老虎鉗 , 幾廿蚊 , 喳喳臨比錢 , 跟住去華輝買左小小零件 , 再八掛下問下 Servo 有冇散買 , 店員 check 左好耐先話無 , 再問下幾錢 , $4xx . OK 即閃。

跟住落上海街浩昌 , 諗住買公制鑼絲 , 行到浩昌對面 Oh ~~~ NO !! 點解唔見左 ? 執左 ? 二叔 ( 浩昌老板 ) 你去左邊呀 ? 問下涼茶舖老板 , 佢叫我自己去門口睇告示 , 好彩原來般左去新田地 , 真的膽心二叔身體 ( touch wood ).

睇睇表 5:45 分 , 立刻飛身去榮利 , 去到 6點 , 哥哥仔啱啱拉閘放狗 , 咪住有無呂板碎料呀 , 點買法呀 ? $26/磅 , 咁一塊 1mm 一塊 2 mm 大概 12″ x12″ 得喇 , 跟住有個外國人企响門口問我關門未 ? 我即時問下哥哥仔做唔做鬼佬生意 , 佢話 OK , 咁就話比鬼佬知 : Not yet ,

好喇最後去左新田地另外一間善昌買其他公制 M1.6 先 , 嘩比人辟到一頸血 , M1.6 x 4 居然成 2 蚊一粒 , 唔怪得賣鑼絲都可以住九龍塘豪宅了 ,

最後去潮流特區買 Servo , 原來出面唔係得番好多圓碟喳 , 賣 Servo 個哥仔仲問我點解一定要圓型 , 又話我唔係第一個咁要求 , 唔通之前有網友又去左呢間野入貨 ? 最後仲貪得意買左避震預備下個計劃先。

廣告
  1. 仍無迴響。
  1. No trackbacks yet.

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: